கடந்த கால ஆட்சியாளர்களுக்கு எதிரான விசாரணைகள் மற்றும் சட்ட நடவடிக்கைகளை தேசிய மக்கள் சக்தி அரசாங்கம் தீவிரப்படுத்தியுள்ள நிலையில், இரண்டு வழக்குகள் அவர்களுக்குச் சவாலாக உள்ளன.
ஒன்று, மத்திய வங்கியின் முன்னாள் ஆளுநர் அர்ஜுன மகேந்திரனை நாட்டிற்கு கொண்டு வருவது. இன்னொன்று, பசில் ராஜபக்ஷவை நாட்டிற்கு கொண்டு வருவது.
இந்த இரண்டும், தேசிய மக்கள் சக்தி அரசாங்கத்துக்கு அமிலப் பரிசோதனைகளாக உள்ளன. பசில் ராஜபக்ஷ பல்வேறு வழக்குகளில் நீதிமன்றங்களினால் பிடியாணை பிறப்பிக்கப்பட்டுள்ளவர்.
அவரை நாட்டிற்குக் கொண்டு வருவதற்கு சர்வதேச பொலிஸின் சிவப்பு எச்சரிக்கையை வெளியிட நடவடிக்கை எடுக்குமாறு நீதிமன்றம் உத்தரவிட்டுள்ளது.
சிவப்பு எச்சரிக்கை விடுக்கப்பட்டால் அவரைக் கைது செய்து உடனடியாக நாட்டிற்குக் கொண்டு வரலாம் என்ற எதிர்பார்ப்பு பலருக்கு உள்ளது. ஆனால், சர்வதேச பொலிஸின் சிவப்பு விடுக்கப்பட்ட அனைவரையும் உடனடியாகக் கைது செய்ய முடியாது.
சிவப்பு எச்சரிக்கை என்பது ஒரு நபர் மீதான சர்வதேச பிடியாணை அல்ல.
இது உறுப்பு நாடுகளுக்கு விடுக்கப்படும் ஒரு வேண்டுகோள் மட்டுமேயாகும்.
சர்வதேச பொலிஸுக்கு சிவப்பு எச்சரிக்கை விடுக்கப்பட்டவர்களை நேரடியாகக் கைது செய்யும் அதிகாரம் கிடையாது. அந்த நாட்டின் பொலிஸாரே, கைது நடவடிக்கையை எடுக்க வேண்டும்.
அதற்கு முன்னதாக, ஒரு நாடு தனது சொந்த சட்டங்களின்படி, அந்த நபர் மீது நடவடிக்கை எடுக்க வேண்டுமா இல்லையா என்பதைத் தீர்மானிக்க முடியும்.
குற்றம் சாட்டப்பட்ட நபர் இருக்கும் நாட்டுக்கும், அவரைத் தேடும் நாட்டுக்கும் இடையே நாடுகடத்தல் ஒப்பந்தம் இருக்க வேண்டும்.
ஒப்பந்தம் இல்லாவிட்டால், சிவப்பு எச்சரிக்கை இருந்தாலும் அந்த நாடு சம்பந்தப்பட்ட நபரை ஒப்படைக்க மறுக்கலாம்.
சர்வதேச பொலிஸ் விதிமுறைகளின்படி, அரசியல், இராணுவம், மதம் அல்லது இனம் சார்ந்த காரணங்களுக்காக, சிவப்பு எச்சரிக்கையைப் பயன்படுத்த முடியாது.
தேடப்படும் நபர் ஒரு நாட்டில் அரசியல் புகலிடம் பெற்றிருந்தால், அந்த நாடு அவரைப் பாதுகாக்க வாய்ப்புள்ளது.
அதுதவிர, சிவப்பு எச்சரிக்கை விடுக்கப்பட்ட பல குற்றவாளிகள் தங்களது அடையாளங்களை மாற்றிக்கொண்டு, போலி ஆவணங்கள் மூலம் தலைமறைவாக வாழ்கின்றனர். அவர்களின் இருப்பிடத்தைக் துல்லியமாகக் கண்டறியும் வரை கைது செய்ய முடியாது.
இது தெரியாமல் அவரை அமெரிக்காவில் இருந்து கொண்டு வரும் முயற்சிகளில் அரசாங்கம் இறங்கியிருக்கிறதா என்ற கேள்வி எழலாம்.
ஆனால், பசில் ராஜபக்ஷவை அமெரிக்காவில் கைது செய்வதற்கான தற்போதைய முயற்சிகள் சாத்தியமாவதற்கு அதிக வாய்ப்புகள் உள்ளதாக நம்பப்படுகிறது.
பசில் ராஜபக்ஷவை கைது செய்வதற்கு நீதிமன்றினால் சர்வதேசப் பிடியாணை பிறப்பிக்கப்பட்டுள்ளது.
இலங்கைக்கும் அமெரிக்காவுக்கும் இடையே குற்றவாளிகளை நாடுகடத்துவதற்கான இருதரப்பு ஒப்பந்தம் கையெழுத்திடப்பட்டுள்ளதானது, கலிபோர்னியாவில் வசித்து வரும் பசில் ராஜபக்ஷவை, அங்கிருந்து அழைத்து வருவதற்கு, சாதகமான ஒரு விடயமாக பார்க்கப்படுகிறது.
இதனால், இலங்கை அரசு தேவையான ஆவணங்களைச் சமர்ப்பிக்கும் பட்சத்தில், அமெரிக்கா சட்டப்படி அவரை இலங்கையிடம் ஒப்படைக்க முடியும்.
ஆனால், பசில் ராஜபக்ஷ இலங்கை மற்றும் அமெரிக்கா ஆகிய இரு நாடுகளினதும் இரட்டைக் குடியுரிமை கொண்டவர்.
அமெரிக்கக் குடிமகன் ஒருவரை மற்றொரு நாட்டிற்கு நாடுகடத்துவதற்கு, அமெரிக்கச் சட்ட முறைமையின் கீழ் மிக நீண்ட மற்றும் கடுமையான சட்டப் போராட்டங்களை இலங்கை அரசு எதிர்கொள்ள வேண்டியிருக்கும்.
சர்வதேச பொலிஸ் சிவப்பு எச்சரிக்கை விடுக்கப்பட்டாலும், அமெரிக்க நீதிமன்றங்களில் பசில் ராஜபக்ஷ தரப்பு தனது பாதுகாப்பிற்காக மேன்முறையீடு செய்ய முடியும்.
இந்த சட்ட நடைமுறைகள் முடிவடைவதற்குப் பல மாதங்கள் அல்லது வருடங்கள் கூட ஆகலாம் எனத் தெரிவிக்கப்படுகிறது.
பிணைமுறி மோசடி வழக்கில், குற்றம்சாட்டப்படும், மத்திய வங்கியின் முன்னாள் ஆளுநர் அர்ஜுன மகேந்திரனை நாட்டிற்குக் கொண்டு வருவதற்கு அரசாங்கம் கடுமையான முயற்சிகளை மேற்கொண்ட போதும் அது சாத்தியப்படவில்லை.
அர்ஜுன மகேந்திரன் இலங்கைப் பிரஜை அல்ல, அவர் ஒரு சிங்கப்பூர் பிரஜை.
சிங்கப்பூர் சட்டங்களின்படி, அந்தநாட்டுப் பிரஜை ஒருவரைக் கைது செய்து மற்றொரு நாட்டிற்கு ஒப்படைப்பது மிகவும் கடினமானது.
இலங்கைக்கும் சிங்கப்பூருக்கும் இடையே குற்றவாளிகளை நாடுகடத்துவதற்கான இருதரப்பு உடன்படிக்கை இல்லை என்பதும் ஒரு பெரிய முட்டுக்கட்டையாகும்.
இதனால் அர்ஜுன மகேந்திரனை சிங்கப்பூரிலிருந்து நாடுகடத்துவதில் கடுமையான சட்டத் தடைகள் உள்ளதாக, அண்மையில் பொது பாதுகாப்பு அமைச்சர் ஆனந்த விஜேபால தெரிவித்திருந்தார்.
இலங்கை விடுத்த கோரிக்கையை தங்களது நாடுகடத்தல் சட்ட விதிகளுக்கு உட்படவில்லை எனக் கூறி சிங்கப்பூர் அரசாங்கம் ஏற்கெனவே நிராகரித்து விட்டது.
ஆனால் ராஜபக்ஷ விடயத்தில் சில சாதகமான விடயங்கள் அரசாங்கத்திற்கு உள்ளது.
அமெரிக்காவும் இலங்கையும், குற்றவாளிகளை நாடு கடத்துவது தொடர்பான உடன்படிக்கையில் கையெழுத்திட்டுள்ளன.
அதைவிட, பசில் ராஜபக்ஷ விவகாரத்தில் அமெரிக்கா ஒத்துழைப்பு வழங்குவதற்கான வாய்ப்புகள் அதிகமாக உள்ளது.
அமெரிக்க மற்றும் இலங்கை சட்ட அமுலாக்க அதிகாரிகள் மற்றும் நீதித்துறையினருக்கு இடையிலான உறவுகளும், ஒத்துழைப்புகளும் நெருக்கமாக உள்ளது.
அமெரிக்க அதிகாரிகள், பசில் ராஜபக்ஷவை இலங்கைக்கு நாடுகடத்துவதற்கு கொள்கை அளவில் தயாராக இருப்பதாகவும், அதற்குத் தேவையான முறையான உள்நாட்டு நீதிமன்ற உத்தரவுகளை சமர்ப்பிக்குமாறும் இலங்கை அரசிடம் கோரியிருப்பதாகவும் தகவல்கள் வெளியாகியுள்ளன.
இதன் அடிப்படையிலேயே, அண்மையில் கொழும்பு கோட்டை நீதிவான் நீதிமன்றம் சர்வதேசப் பிடியாணையை உத்தியோகபூர்வமாகப் பிறப்பித்துள்ளது.
இலங்கைக்கும் அமெரிக்காவுக்கும் இடையே 1999 ஆம் ஆண்டு கையெழுத்திடப்பட்ட இருதரப்பு நாடுகடத்தல் ஒப்பந்தத்தின்படி, அரசியல் காரணங்கள் அல்லாத பொது நிதி மோசடி மற்றும் சொத்துக் குவிப்பு போன்ற குற்றச்சாட்டுகளுக்கு உள்ளாகும் நபர்களை ஒருவருக்கொருவர் ஒப்படைக்க இரு நாடுகளும் சட்டபூர்வமாகக் கடமைப்பட்டுள்ளன.
பசில் ராஜபக்ஷ மீதான குற்றச்சாட்டுகள் முற்றிலும் நிதி மோசடி சார்ந்தவை என்பதால் அமெரிக்கா இலங்கையின் கோரிக்கையை நிராகரிக்க முடியாது.
அமெரிக்கா பொதுவாகத் தனது நாட்டின் குடிமக்களை வெளிநாடுகளுக்கு நாடுகடத்துவதற்கு தயக்கம் காட்டும் என்பது உண்மை.
ஆனால், அமெரிக்க - இலங்கை நாடுகடத்தல் ஒப்பந்தத்தின்படி, கடுமையான நிதி மோசடிக் குற்றச்சாட்டுகளுக்குப் போதிய ஆதாரங்கள் சமர்ப்பிக்கப்படும் பட்சத்தில், தமது குடிமகனாக இருந்தாலும் சட்ட நடைமுறைகளைப் பின்பற்றி நாடுகடத்த அமெரிக்கச் சட்டம் அனுமதிக்கிறது.
இந்த நிலையில் தான், குற்றப் புலனாய்வுத் திணைக்களம் மற்றும் சட்ட மா அதிபர் திணைக்களம் ஆகியவை இணைந்து அமெரிக்க நீதித்துறையிடம் சமர்ப்பிப்பதற்கான விரிவான ஆவணக் கோப்புகளை தயாரித்து வருகின்றன.
அமெரிக்க அரசாங்கம், புலனாய்வு அமைப்புகள் மூலம் பசில் ராஜபக்ஷவின் கலிபோர்னியா இருப்பிடத்தைக் கண்காணிப்பதற்கும், இலங்கை நீதிமன்றக் கோரிக்கையை ஏற்றுக்கொள்வதற்கும் முழுமையான ஒத்துழைப்பை வழங்கும் எனத் தெரிகிறது.
எனினும், அமெரிக்கா நேரடியாக அவரைக் கைது செய்து அனுப்பி வைக்காது.
இலங்கை அரசு முறையான கோரிக்கையை விடுத்தாலும் கூட, பசில் ராஜபக்ஷ அமெரிக்க நீதிமன்றங்களில் மேல்முறையீடு செய்து தப்பிக்க முயற்சிப்பார்.
எனவே, அமெரிக்க நீதித்துறை மூலம் அவரை இலங்கைக்குக் கொண்டுவர நீண்டதொரு சட்டப் போராட்டம் தேவைப்படும்.
இந்த சட்டப் போராட்டத்தில் அரசாங்கம் வெற்றி பெறத் தவறினால், அது ராஜபக்ஷ வினருக்கு சாதகமாகவும், தேசிய மக்கள் சக்திக்கு எதிர்மறையாகவும் தான் இருக்கும்.
கார்வண்ணன்
ஒன்று, மத்திய வங்கியின் முன்னாள் ஆளுநர் அர்ஜுன மகேந்திரனை நாட்டிற்கு கொண்டு வருவது. இன்னொன்று, பசில் ராஜபக்ஷவை நாட்டிற்கு கொண்டு வருவது.
இந்த இரண்டும், தேசிய மக்கள் சக்தி அரசாங்கத்துக்கு அமிலப் பரிசோதனைகளாக உள்ளன. பசில் ராஜபக்ஷ பல்வேறு வழக்குகளில் நீதிமன்றங்களினால் பிடியாணை பிறப்பிக்கப்பட்டுள்ளவர்.
அவரை நாட்டிற்குக் கொண்டு வருவதற்கு சர்வதேச பொலிஸின் சிவப்பு எச்சரிக்கையை வெளியிட நடவடிக்கை எடுக்குமாறு நீதிமன்றம் உத்தரவிட்டுள்ளது.
சிவப்பு எச்சரிக்கை விடுக்கப்பட்டால் அவரைக் கைது செய்து உடனடியாக நாட்டிற்குக் கொண்டு வரலாம் என்ற எதிர்பார்ப்பு பலருக்கு உள்ளது. ஆனால், சர்வதேச பொலிஸின் சிவப்பு விடுக்கப்பட்ட அனைவரையும் உடனடியாகக் கைது செய்ய முடியாது.
சிவப்பு எச்சரிக்கை என்பது ஒரு நபர் மீதான சர்வதேச பிடியாணை அல்ல.
இது உறுப்பு நாடுகளுக்கு விடுக்கப்படும் ஒரு வேண்டுகோள் மட்டுமேயாகும்.
சர்வதேச பொலிஸுக்கு சிவப்பு எச்சரிக்கை விடுக்கப்பட்டவர்களை நேரடியாகக் கைது செய்யும் அதிகாரம் கிடையாது. அந்த நாட்டின் பொலிஸாரே, கைது நடவடிக்கையை எடுக்க வேண்டும்.
அதற்கு முன்னதாக, ஒரு நாடு தனது சொந்த சட்டங்களின்படி, அந்த நபர் மீது நடவடிக்கை எடுக்க வேண்டுமா இல்லையா என்பதைத் தீர்மானிக்க முடியும்.
குற்றம் சாட்டப்பட்ட நபர் இருக்கும் நாட்டுக்கும், அவரைத் தேடும் நாட்டுக்கும் இடையே நாடுகடத்தல் ஒப்பந்தம் இருக்க வேண்டும்.
ஒப்பந்தம் இல்லாவிட்டால், சிவப்பு எச்சரிக்கை இருந்தாலும் அந்த நாடு சம்பந்தப்பட்ட நபரை ஒப்படைக்க மறுக்கலாம்.
சர்வதேச பொலிஸ் விதிமுறைகளின்படி, அரசியல், இராணுவம், மதம் அல்லது இனம் சார்ந்த காரணங்களுக்காக, சிவப்பு எச்சரிக்கையைப் பயன்படுத்த முடியாது.
தேடப்படும் நபர் ஒரு நாட்டில் அரசியல் புகலிடம் பெற்றிருந்தால், அந்த நாடு அவரைப் பாதுகாக்க வாய்ப்புள்ளது.
அதுதவிர, சிவப்பு எச்சரிக்கை விடுக்கப்பட்ட பல குற்றவாளிகள் தங்களது அடையாளங்களை மாற்றிக்கொண்டு, போலி ஆவணங்கள் மூலம் தலைமறைவாக வாழ்கின்றனர். அவர்களின் இருப்பிடத்தைக் துல்லியமாகக் கண்டறியும் வரை கைது செய்ய முடியாது.
இது தெரியாமல் அவரை அமெரிக்காவில் இருந்து கொண்டு வரும் முயற்சிகளில் அரசாங்கம் இறங்கியிருக்கிறதா என்ற கேள்வி எழலாம்.
ஆனால், பசில் ராஜபக்ஷவை அமெரிக்காவில் கைது செய்வதற்கான தற்போதைய முயற்சிகள் சாத்தியமாவதற்கு அதிக வாய்ப்புகள் உள்ளதாக நம்பப்படுகிறது.
பசில் ராஜபக்ஷவை கைது செய்வதற்கு நீதிமன்றினால் சர்வதேசப் பிடியாணை பிறப்பிக்கப்பட்டுள்ளது.
இலங்கைக்கும் அமெரிக்காவுக்கும் இடையே குற்றவாளிகளை நாடுகடத்துவதற்கான இருதரப்பு ஒப்பந்தம் கையெழுத்திடப்பட்டுள்ளதானது, கலிபோர்னியாவில் வசித்து வரும் பசில் ராஜபக்ஷவை, அங்கிருந்து அழைத்து வருவதற்கு, சாதகமான ஒரு விடயமாக பார்க்கப்படுகிறது.
இதனால், இலங்கை அரசு தேவையான ஆவணங்களைச் சமர்ப்பிக்கும் பட்சத்தில், அமெரிக்கா சட்டப்படி அவரை இலங்கையிடம் ஒப்படைக்க முடியும்.
ஆனால், பசில் ராஜபக்ஷ இலங்கை மற்றும் அமெரிக்கா ஆகிய இரு நாடுகளினதும் இரட்டைக் குடியுரிமை கொண்டவர்.
அமெரிக்கக் குடிமகன் ஒருவரை மற்றொரு நாட்டிற்கு நாடுகடத்துவதற்கு, அமெரிக்கச் சட்ட முறைமையின் கீழ் மிக நீண்ட மற்றும் கடுமையான சட்டப் போராட்டங்களை இலங்கை அரசு எதிர்கொள்ள வேண்டியிருக்கும்.
சர்வதேச பொலிஸ் சிவப்பு எச்சரிக்கை விடுக்கப்பட்டாலும், அமெரிக்க நீதிமன்றங்களில் பசில் ராஜபக்ஷ தரப்பு தனது பாதுகாப்பிற்காக மேன்முறையீடு செய்ய முடியும்.
இந்த சட்ட நடைமுறைகள் முடிவடைவதற்குப் பல மாதங்கள் அல்லது வருடங்கள் கூட ஆகலாம் எனத் தெரிவிக்கப்படுகிறது.
பிணைமுறி மோசடி வழக்கில், குற்றம்சாட்டப்படும், மத்திய வங்கியின் முன்னாள் ஆளுநர் அர்ஜுன மகேந்திரனை நாட்டிற்குக் கொண்டு வருவதற்கு அரசாங்கம் கடுமையான முயற்சிகளை மேற்கொண்ட போதும் அது சாத்தியப்படவில்லை.
அர்ஜுன மகேந்திரன் இலங்கைப் பிரஜை அல்ல, அவர் ஒரு சிங்கப்பூர் பிரஜை.
சிங்கப்பூர் சட்டங்களின்படி, அந்தநாட்டுப் பிரஜை ஒருவரைக் கைது செய்து மற்றொரு நாட்டிற்கு ஒப்படைப்பது மிகவும் கடினமானது.
இலங்கைக்கும் சிங்கப்பூருக்கும் இடையே குற்றவாளிகளை நாடுகடத்துவதற்கான இருதரப்பு உடன்படிக்கை இல்லை என்பதும் ஒரு பெரிய முட்டுக்கட்டையாகும்.
இதனால் அர்ஜுன மகேந்திரனை சிங்கப்பூரிலிருந்து நாடுகடத்துவதில் கடுமையான சட்டத் தடைகள் உள்ளதாக, அண்மையில் பொது பாதுகாப்பு அமைச்சர் ஆனந்த விஜேபால தெரிவித்திருந்தார்.
இலங்கை விடுத்த கோரிக்கையை தங்களது நாடுகடத்தல் சட்ட விதிகளுக்கு உட்படவில்லை எனக் கூறி சிங்கப்பூர் அரசாங்கம் ஏற்கெனவே நிராகரித்து விட்டது.
ஆனால் ராஜபக்ஷ விடயத்தில் சில சாதகமான விடயங்கள் அரசாங்கத்திற்கு உள்ளது.
அமெரிக்காவும் இலங்கையும், குற்றவாளிகளை நாடு கடத்துவது தொடர்பான உடன்படிக்கையில் கையெழுத்திட்டுள்ளன.
அதைவிட, பசில் ராஜபக்ஷ விவகாரத்தில் அமெரிக்கா ஒத்துழைப்பு வழங்குவதற்கான வாய்ப்புகள் அதிகமாக உள்ளது.
அமெரிக்க மற்றும் இலங்கை சட்ட அமுலாக்க அதிகாரிகள் மற்றும் நீதித்துறையினருக்கு இடையிலான உறவுகளும், ஒத்துழைப்புகளும் நெருக்கமாக உள்ளது.
அமெரிக்க அதிகாரிகள், பசில் ராஜபக்ஷவை இலங்கைக்கு நாடுகடத்துவதற்கு கொள்கை அளவில் தயாராக இருப்பதாகவும், அதற்குத் தேவையான முறையான உள்நாட்டு நீதிமன்ற உத்தரவுகளை சமர்ப்பிக்குமாறும் இலங்கை அரசிடம் கோரியிருப்பதாகவும் தகவல்கள் வெளியாகியுள்ளன.
இதன் அடிப்படையிலேயே, அண்மையில் கொழும்பு கோட்டை நீதிவான் நீதிமன்றம் சர்வதேசப் பிடியாணையை உத்தியோகபூர்வமாகப் பிறப்பித்துள்ளது.
இலங்கைக்கும் அமெரிக்காவுக்கும் இடையே 1999 ஆம் ஆண்டு கையெழுத்திடப்பட்ட இருதரப்பு நாடுகடத்தல் ஒப்பந்தத்தின்படி, அரசியல் காரணங்கள் அல்லாத பொது நிதி மோசடி மற்றும் சொத்துக் குவிப்பு போன்ற குற்றச்சாட்டுகளுக்கு உள்ளாகும் நபர்களை ஒருவருக்கொருவர் ஒப்படைக்க இரு நாடுகளும் சட்டபூர்வமாகக் கடமைப்பட்டுள்ளன.
பசில் ராஜபக்ஷ மீதான குற்றச்சாட்டுகள் முற்றிலும் நிதி மோசடி சார்ந்தவை என்பதால் அமெரிக்கா இலங்கையின் கோரிக்கையை நிராகரிக்க முடியாது.
அமெரிக்கா பொதுவாகத் தனது நாட்டின் குடிமக்களை வெளிநாடுகளுக்கு நாடுகடத்துவதற்கு தயக்கம் காட்டும் என்பது உண்மை.
ஆனால், அமெரிக்க - இலங்கை நாடுகடத்தல் ஒப்பந்தத்தின்படி, கடுமையான நிதி மோசடிக் குற்றச்சாட்டுகளுக்குப் போதிய ஆதாரங்கள் சமர்ப்பிக்கப்படும் பட்சத்தில், தமது குடிமகனாக இருந்தாலும் சட்ட நடைமுறைகளைப் பின்பற்றி நாடுகடத்த அமெரிக்கச் சட்டம் அனுமதிக்கிறது.
இந்த நிலையில் தான், குற்றப் புலனாய்வுத் திணைக்களம் மற்றும் சட்ட மா அதிபர் திணைக்களம் ஆகியவை இணைந்து அமெரிக்க நீதித்துறையிடம் சமர்ப்பிப்பதற்கான விரிவான ஆவணக் கோப்புகளை தயாரித்து வருகின்றன.
அமெரிக்க அரசாங்கம், புலனாய்வு அமைப்புகள் மூலம் பசில் ராஜபக்ஷவின் கலிபோர்னியா இருப்பிடத்தைக் கண்காணிப்பதற்கும், இலங்கை நீதிமன்றக் கோரிக்கையை ஏற்றுக்கொள்வதற்கும் முழுமையான ஒத்துழைப்பை வழங்கும் எனத் தெரிகிறது.
எனினும், அமெரிக்கா நேரடியாக அவரைக் கைது செய்து அனுப்பி வைக்காது.
இலங்கை அரசு முறையான கோரிக்கையை விடுத்தாலும் கூட, பசில் ராஜபக்ஷ அமெரிக்க நீதிமன்றங்களில் மேல்முறையீடு செய்து தப்பிக்க முயற்சிப்பார்.
எனவே, அமெரிக்க நீதித்துறை மூலம் அவரை இலங்கைக்குக் கொண்டுவர நீண்டதொரு சட்டப் போராட்டம் தேவைப்படும்.
இந்த சட்டப் போராட்டத்தில் அரசாங்கம் வெற்றி பெறத் தவறினால், அது ராஜபக்ஷ வினருக்கு சாதகமாகவும், தேசிய மக்கள் சக்திக்கு எதிர்மறையாகவும் தான் இருக்கும்.
கார்வண்ணன்
